Contact Us

^{كانت بتواجهنا مشكلة لما حبينا ندخل سيستم بيع في فروع النشاط بتاعنا وهي العمليات ما بعد شراء السيستم
كنا محتاجين حد يعرفنا ازاي ندخل الأصناف .... وتصنيفاتها تكون ازاي؟ واساميها تبقي ازاي؟؟ هل ليها كود معين!!
طب التقسيمة للمنتجات تبقي ازاي ؟ طيب هل فيه حد يكودلنا الأصناف مرة واحدة ولا لازم احنا اللي نعملها بنفسنا.....
واكتشفنا ان كل اللي فات ده ميجيش حاجة ف اللي شوفناه بعد كدة
هنظبط حسابات العملاء ازاي ؟؟ هنظبط المصروفات ازاي ؟؟ هنظبط المرتبات ازاي ؟؟
طيب هنعمل كنترول علي الشيفتات ازاي ؟ وهل هدخل كل المشتريات بايدي ؟
وهراجع علي الكاشير ازاي ؟؟وهعرف منين انه غلط او انه سرقني ؟؟
لقينا ان إدارة السيستم والعمليات الدورية الروتينية اللي بتتم عليه اصعب بكتير من اننا نشتري سيستم او نكود الاصناف حتي
لقينا نفسنا قدام مشكلة لازم نحلها احنا متأكدين جدا ان السيستم ضروري ف اي مكان عاوز يكبر
متأكدين إنه بيدي ثقة للعميل ف المكان
متأكدين انه بيأمن المحل من السرقة والغلط
متأكدين انه هيظبط الحسابات وهيدير المخزون بشكل صحيح
لكن منين الطريق ؟؟؟ فين أول درجة نطلع عليها ؟؟
للأسف ملقناش ساعتها حد يدلنا علي الطريق
بالعكس لقينا ان معظم الانشطة اللي حوالينا عندهم نفس المشاكل
وبعضهم استغني عن الفكرة كلها بعد ما اشتري الاجهزة لانهم مش عارفين يوصلوا لحل
اتعلمنا وغلطنا واتسرقنا و زي ما قولتلكم مش عارفين نبدا منين
لكن ايماننا ان السيستم في الفرع خطوة مينفعش نتراجع عنها خلي عندنا إرادة اننا لازم نكمل}

^{وعرفنا اننا لوحدنا واثناء شغنلنا مش هنعرف نشغل السيستم كويس
فقررنا ان حد فينا يتفرغ لموضوع السيستم خالص ملوش علاقة بالشغل نهائي
وبالفعل ابتدي حد مننا يشتغل علي كل جوانب السيستم
وانه يدرب الناس علي افضل طريقة بيع للكاشير تكون ازاي!! علشان نقلل الأخطاء قدر الإمكان
وامتي يطلع الباقي للعميل .... وايه هي الأدوات اللي محتاجينها}

^{في الأول كنا مفكرين ان فيه أدوات نقدر نستغني عنها زي الدرج مثلا
ولكن مع التجربة والتكرار لقينا انه ليه فوايد ومش معمول وخلاص}

^{لقينا ان طبع كل فاتورة للعميل مهم جدا
فابتدينا نكمل باقي الأدوات بحيث الشغل يكون مظبوط
لقينا ان الكاشير لازم يكون فيه شخص يستلم منه كل ورديه
وبالفعل بقينا نستلم من الكاشير صبح وليل لحد ما عملنا طريقة اثبتت نجاحها في الاستلام والتسليم
وبعد كدة قولنا نتفرغ لباقي الجوانب
فكرنا في ان لازم حد تاني يسلتم الشيفتات والشخص ده يكون امين}

^{وابتدينا نجمع فريق
الفريق ده لكل فرع اتنين واحد بيدخل فواتير الشراء و بيتابع التحصيل للموردين و واحد بيقفل الورديات ويسلم الكاشير ويحسبله العجز والزيادة
والحمد لله الدنيا اتظبطت وابتدينا نطور طريقة الشغل بحيث تبقي اسهل و النتايج كانت ممتازة وابتدينا يبقي السيستم شغال 100% و فتحنا الفرع التالت و بقي الشغل مستقر
كل واحد عارف هو بيعمل ايه لكن انشغلنا ف الفروع والمهام الروتينية بقت مرهقة علينا
و فكرنا اننا نجيب حد يشتغل مكانا في الجزئية دي
وبالفعل اتفقنا مع محاسب انه يمسكلنا الفروع التلاتة
يقفل الشيفتات ويعمل المصروفات
واحنا ندخل الفواتير ونظبط تحصيلات الموردين و قبض الموظفين
و نقلنا الفكرة لفروع تانية لحد ما وصلنا ل 50 عميل تقريبا
و الفريق بتاعنا وصل ل 14 فرد بيخدموا اكتر من 45 مكان تجزئة
شغالين بالسيستم اللي اخترناه وبالطريقة اللي عملناها علي مدار 4 سنين من شغل وتجربة لحد ما بقي نظام دقيق نقدر نطبقه ف أي مكان
بقي فيه محاسبين بيسلموا الورديات و يسجلوا المصاريف
بقي فيه مراجعين علي المحاسبين
بقي فيه دعم فني علي مدار اليوم بيستقبل المشاكل ويحلها
بقي فيه حد بيدخل المشتريات والاصناف الجديدة
بقي فيه ناس تركب الأجهزة و تصينها لو فيها مشكلة
بقي فيه ناس تجرد كل فترة
علي مدار 4 سنين قدرنا نوصل لشكل بيعالج عيوب إدارة سيتسم البيع والاستفادة من التقارير
عرفنا ازاي نستفيد من معرفة المخزون ونديره علشان نقلل علي قدر الامكان راس المال و نوزعه صح علي الأصناف المختلفة
عرفنا ازاي نهتم بالعملاء ونعرف العملاء المهمين و نهتم بيبهم اكتر
لحد ما جتلنا فكرة ليه مننقلش التجربة بتاعتنا لباقي الناس اللي اكيد كتير قابلتها نفس الصعوبات دي ويستفيد منها
حولنا نشاطنا لشركة بالفعل بتخدم اكتر من 45 مكان وقادرة انها تنقل نظامها لاماكن تانية كتير بحيث نبقي شركاء نجاح لكتير من الأماكن و نكبر بيهم ويكبروا بينا
كتير من الأنشطة بتحلم بالتوسع لكن متابعة الحسابات بتكون صعبة ومكلفة
طب لو قلتلك انه بمرتب موظف تقدر تاخد خبرة 4 سنين و مجهود 14 فرد و تتخطي عقبات كتير هما تخطوها بالفعل وعارفين الطريق منين
لو معندكش سيستم بيع هنرشحلك سيستم قوي وهيكون مجاني داخل الباقة
ولو عندك هنقدر نطبقلك نظامنا علي نفس السيستم بتاعك
هنرشحلك الأجهزة اللي محتاجها ف الفرع بحيث تبدأ صح
هنكودلك الأصناف باسمائها وباركودتها
هندرب الكاشير بحيث يكون كفاءة انه يشيل المكان عندك و الأخطاء تكون شبه منعدمة
وكمان لو الكاشير مشي من المكان عندك هندرب الكاشير الجديد
هيكون فيه محاسب بيستلم الشيفتات ومش لازم يكون فيه حد متخصص لده ف الفرع عندك
هيكون فيه شخص يدخل المشتريات
هيكون فيه شخص يدخل المصروفات و حسابات الموردين
هيكون فيه تيم يجرد الفرع ف معاد دوري انت تحدده بحيث تبقي عارف موقفك المالي اول بأول
هنعرفك قبض كل موظف كام بعد الخصومات والحوافز بتاعته طول الشهر بحيث تكون انت بعيد عن التفصيلة دي خالص
بمعني ادق هنفرغك خالص من المشاكل الدورية اللي بتقابلك ف الفرع بيحث تتفرغ لمتابعة العملاء وتطوير النشاط الخاص بيك
منتظرينك علشان ننقلك كل الفوايد دي واكتر بكتير بخبرة اكتر من 15 سنة في مجال التجزئة}