مختصصون في إدارة برامج بيع التجزئة
شارك معنا عوامل النجاح المختلفة و انطلق لتكبير مشروعك
فريقنا بالكامل في خدمتك
(متخصصون في قطاع التجزئة)
حلول تتناسب و مصممة خصيصا لمعالجة كافة المشكلات التي تواجه تجار التجزئة في إدارة برامج البيع
جرد كميات المخزون
جرد كميات المخزون هو عملية أساسية لضمان دقة إدارة المخزون والحفاظ على سير العمل بكفاءة
تدريب صاحب النشاط
نحرص على تدريب صاحب النشاط بشكل شامل لتمكينه من متابعة سير العمل بكفاءة والاستفادة الكاملة من التقارير المتاحة
مراجعة الورديات
تعتبر متابعة ورديات العمل وإغلاق الورديات من العمليات الحيوية لضمان سير العمل بكفاءة وشفافية
اضافة وتكويد الأصناف
تعتبر عملية تكويد الأصناف أول بأول جزءًا أساسيًا من تنظيم وإدارة المخزون بشكل احترافي. تشمل هذه الخدمة إدخال الأصناف إلى النظام وتسمية كل صنف بطريقة واضحة ومميزة
متابعة حسابات الموردين
جرد كميات المخزون هو عملية أساسية لضمان دقة إدارة المخزون والحفاظ على سير العمل بكفاءة
دعم فني
يقدم فريق الدعم الفني خدماته لضمان استمرارية العمل وحل أي مشكلات تقنية أو تشغيلية قد تواجه النظام أو الموظفين
تدريب الكاشير
نوفر برنامجًا متكاملًا لتدريب الكاشير يجمع بين الجوانب النظرية والتطبيق العملي لضمان اكتساب المهارات اللازمة وضمان تقديم تجربة مميزة للعملاء وأداء احترافي في العمل اليومي
ادخال المشتريات
إدخال المشتريات بشكل فوري هو عملية أساسية لضمان تحديث نظام المخزون أولاً بأول والحفاظ على دقة البيانات
الاسئلة الشائعة
ايه هي طريقة استلام الوردية من الكاشير ؟ وازاي اعرف ان الاستلام مظبوط ؟
بنخلي الكاشير يكتب كل المصروفات وكمان بيكتب هو استلم ايه وسلم ايه ومن خلال الجدول اللي بيكتب فيه بنقدر نسلم الوردية ونطمن ان الكاشير شغال صح
هل بتقدروا تعرفوا الفرق ف التسليم كام و قدروا تعرفوا راحوا فين ؟
اكيد طبعا بنعرف الفرق بالضبط وبنحسبه سواء زيادة او نقص لو زيادة بيتم معالجته و لو عجز بنحمله علي الكاشير طبقا للاتفاق بينا
لكن سببه ايه بالضبط بيحتاج مراجعة الكاميرات
لكن عامة بنحصر اسباب العجز و نوضحها للكاشير وكذلك الزيادة
الدعم الفني من كام لكام واعمل ايه لو فيه حاجة طارئة في غير اوقات العمل ؟
الدعم الفني يوميا من 9 ل 12 و بندرس حاليا زيادة الوقت وعامة بيكون فيه رقم للطوارئ تقدر تتواصل عليه
ايه هيا سياسية الخصوصية المتبعة في النظام ؟
بالنسبة لسياسة الخصوصية احنا بنلتزم التزام كامل بعد الافصاح عن البيانات و انت كعميل بيكون معاك كل الصلاحيات وعارف اي صلاحية علي اكونت تبع شركتنا عندك وبتوافق عليها قبل بداية التعاقد
ايه هي الشروط اللي مفترض تكون في نشاطي التجاري عشان نقدر نستفيد من الخدمة بشكل كامل ؟
مفيش شروط معينة بس مجالنا هو التجزئة طالما نشاطك تجزئة يبقي تقدر تستفيد من الخدمة بتاعتنا
كيف يمكنني استخدام النظام في تحسين إدارة المخزون؟
البرنامج بيتيح ليك معرفة الكمية الفعلية اللي عندك لاننا نقوم بالجرد في اول المدة فبنعرف الكمية اللي بدأنا بيها وبندرب الكاشير انه يبيع صح فالكمية بتقل حسب البيع ولما بتعمل مشتريات وندخلها احنا الكمية بترجع تزيد تاني فالكمية عندك بتفضل مظبوطة طول ما العمليات دي مظبوطة فبتقدر تطلع تقرير للنواقص مثلا علشان تشتريها و بنطلع تقرير للرواكد علشان تتخلص منها مثلا وتسيل راس مال وبعد كدة كل فترة بنعمل جرد بحيث نأكد ان مفيش سرقة مثلا والمخزون يبقي سليم
ازاي بيتم تعديل بيانات الصنف
اولا تكويد الصنف مهمة الدعم الفني علي مدار اليوم
ثانيا احنا بنسلمك النسخة جاهزة بالاصناف كلها بحيث تتعامل من اول يوم بكام الطاقة
ثالثا نقدر نعلمك طريقة اضافة المنتجات وتغيير الاسعار جملة وقطاعي
تعديل سعر البيع بيتم ازاي ؟
بيتم تعديل سعر البيع عن طريق اقتراح مالك النشاط للسعر الجديد اثناء ادخال المشتريات الجديدة او تحديث الاسعار بناءا علي سعر السوق
ومسئولية الاسعار بتكون من ضمن اهتمامات صاحب النشاط ولا نتدخل فيه
متوفر سيستم خاص بيكم ولا إدارة للسيستم فقط ؟
متوفر نسخة مجانية داخل الاشتراك بيكون خاص بينا لسهولة تعامل التيم معاه وكمان البرامج التدريبية جاهزة والنسخ بتكون جاهزة للشغل في نشاط الماركت مثلا
ايه هي الأجهزة الي ممكن احتاجها في البدايه ؟ وهل الشركة بتوفر الاجهزه دي ولا العميل هو الي بيجيها ؟ ازاي اعرف قيمة الأجهزة ؟؟ ازاي اعرف قيمة الأجهزة ؟
الاجهزة علي حسب النشاط لكن فيه اساسيات زي جهاز كمبيوتر قارئ باركود طابعة ريسيت طابعة باركود ودرج كاشير و لو النشاط في مكان كبير بنحتاج كمبيوتر وقارئ لشاشة العميل والماركت ممكن نزود ميزان باركود وممكن نشغل من غيره
الشركة دورها ادارة السيستم فقط ممكن نرشح مكان بيديك ضمان سنة علي الاجهزة
قيمة الاجهزة لو بنتكلم علي القيمة المادية هنرشحلك انواع تسأل عليها بحيث تجيب انسب سعر ليك
كيف يتم التعامل مع الأعطال الطارئة؟
لو تقصد بالاعطال جزء السوفت وير فاحنا عندنا قسم خاص في الدعم الفني بيدخل يحل ليك اي مشكلة ولو تقصد اعطال في الاجهزة نفسها بنقدر نشخصها ليك و بنقولك ايه المشكلة والدعم ده علي مدار اليوم من 8 ل 1
هل يمكن تخصيص النظام ليناسب احتياجات عملي؟
طبعا الغرض من السيستم اصلا تلبية احتياجات نشاطك وده الهدف الاول والسيستم مرن جدا مناسب لجميع انشطة القطاعي والتجزئة
ما هي المزايا الأساسية لنظام نقاط البيع الذي نقدمه؟
اهم ميزة في السيستم بتاعنا بعد المرونة انه اون لاين يعني تقدر تتابع النشاط بتاعك من اي مكان حتي من الموبايل
ومن المميزات انه دايما بيتحدث وينزل فيه تعديلات جديدة بتسهل الشغل
ومن المميزات التقارير اللي بتوفرلك مختصر عن اداء النشاط بتاعك
تواصل معانا
المبيعات
الدعم الفني
العنوان
